മുഖ്യമന്ത്രിയായിരിക്കെ ബന്ധുവിന് വഴിവിട്ട് ഭൂമി അനുവദിച്ച കേസില്‍ പ്രതിപക്ഷ നേതാവ് വി.എസ് അച്ചുതാനന്ദനെ ഒന്നാം പ്രതിയാക്കി വിജിലന്‍സ് എഫ്.ഐ. ആര്‍ തയ്യാറാക്കിയ സാഹചര്യത്തില്‍ വി.എസ് പാര്‍ട്ടി കേന്ദ്ര നേതൃത്വത്തെ രാജി സന്നദ്ധത അറിയിച്ചു. എന്നാല്‍, അന്വേഷണം നടക്കുന്നതിന് മുമ്പ് രാജിവെക്കേണ്ട കാര്യമില്ളെന്ന് കേന്ദ്രം വി.എസിനെ അറിയിച്ചതായാണ് വിവരം.
വിമുക്ത ഭടനായ ആലപ്പുഴ സ്വദേശി ടി.കെ സോമന് കാസര്‍കോട് ജില്ലയില്‍ വഴിവിട്ട് ഭൂമി അനുവദിച്ച കേസില്‍ വി.എസിനെ പ്രതിയാക്കി വിജിലന്‍സ് ഡി.വൈ.എസ്.പി ഇന്ന് വൈകീട്ട് കോഴിക്കോട് വിജിലന്‍സ് കോടതിയില്‍ എഫ്.ഐ.ആര്‍ സമര്‍പ്പിക്കാനാരിക്കെയാണ് വി.എസ് രാജിക്കൊരുങ്ങിയത്. മുന്‍ റവന്യൂ മന്ത്രി കെ.പി രാജേന്ദ്രന്‍, ലാന്‍റ് റവന്യൂ കമ്മീഷണറായിരുന്ന കെ.ആര്‍ മുരളീധരന്‍, വി.എസിന്‍െറ പ്രിന്‍സിപ്പല്‍ സെക്രട്ടറിയായിരുന്ന ഷീല തോമസ്, കാസര്‍കോട് കലക്ടര്‍മാരായിരുന്ന എന്‍.എ കൃഷ്ണന്‍ കുട്ടി, ആനന്ദ് സിങ്, വി.എസിന്‍െറ പേഴ്സണല്‍ സ്റ്റാഫില്‍ പെട്ട എ.സുരേഷ് എന്നിവരാണ് കേസിലെ മറ്റു പ്രതികള്‍.
അധികാര ദുര്‍വ്വിനിയോഗം നടത്തിയ വി.എസ് രാജിവെക്കണമെന്ന് യു.ഡി.എഫ് നേതാക്കള്‍ ആവശ്യപ്പെട്ടിരുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ